“Қўшма Штатлар хавфсизлик хизмати вакиллари Исроил махсус хизматлари раҳбариятини Суриядан қўшинларни босқичма-босқич олиб чиқиш икки ой ичида бошланиши ҳақида хабардор қилган”, – деб ёзади Ynet нашри.

Маълумотларга кўра, Исроилнинг АҚШга босим ўтказиш ва америкалик ҳарбийларни Сурияда қолдиришга доир уринишлари муваффақиятсизликка учраган.

2024 йил декабрь ойида Пентагон Сурияда тахминан 2 минг нафар америкалик ҳарбий хизматчи борлигини маълум қилганди.

“Суриядаги америкалик ҳарбийларнинг олиб чиқилишини Доналд Трампнинг Оқ уйга қайтишидан сўнг кутилмаган воқеа деб бўлмайди. Трамп аллақачон ўз маъмуриятининг изолятсионистик доктринаси доирасида АҚШ қўшинларини минтақадан чиқаришни ваъда қилган эди”, – деб ёзади нашр.

• АҚШ
• Ҳарбий
• Suriya