Нигериялик ёш рассом 100 соат давомид расм чизиш орқали 10 йил аввал ўрнатилган жаҳон рекордини янгилади.

Жоржия штатининг Атланта шаҳридаги санъат ва дизайн коллежининг иккинчи курс талабаси битта катта расм устида ишлаши керак эди. Тўрт кун давомида йигит турли нарсаларни - машҳурлар, озиқ-овқат, ўсимликлар, ҳайвонлар ва бошқалар тасвирланган 106 та асарни чизди.

Қоидага кўра, ҳар бир соатда беш дақиқалик дам олиш ҳуқуқи бор, агар улар ишлатилмаса, тўпланади. Танаффусда рассом ҳожатхонага чиқиши, овқатланиши ёки ухлаши мумкин.

Талаба дастлаб соатига битта расм яратишни режалаштирган, шунинг учун марафон бошланишидан олдин у эскизлари билан 100 та расм тайёрлаган. Аммо расм чизиш пайтида у бланкларни бир неча соат ичида тугатди, шунинг учун қолган вақтни у импровизация қилди. Гиннеснинг Рекордлар китоби веб-сайтига кўра, охирги расмда чарчаган одам тасвири бўлган.

Эслатиб ўтамиз, бундан аввалги рекорд натижа 2013 йили АҚШда Роланд Пальмаэртс томонидан қайд этилганди. Ўшанда у 60 соат давомида сурат чизганди.

• рассом