Финландиянинг HMD компанияси оммалашган G 20 ўрнини эгалловчи янги Nokia G 21 смартфонини тақдим этди.

У яхшиланган батарея, экран ва камерга эга. Nokia G 21 смартфонда 5050 мА/соат аккумулятор мавжуд бўлиб, қайта қувватламасдан уч кун ишлатиш имконини беради. HMD ўзининг қувватни тежаш режимларини кам чекловсиз қилиб яхшилаган. 

Шуни таъкидлаш керакки, оригинал G 20 ҳам 5050 мА/соат қувватга эга аккумулятордан иборат бўлган ва батареянинг 3 кунлик ишлаш муддати ҳам ваъда қилинган. HMD максимал заряд тезлигини 18 Вт. га оширган. HMD телефонни аввалгисига нисбатан юпқароқ қилиб, 9,2 мм. дан 8,5 мм. гача ингичкалаштирган.

Шунингдек, юқори герцли (90 Гц), 6,5 дюймли экран мавжуд бўлиб, асосий камера 50, қўшимча (макро ва боке) камералари 2 мегапиксел ўлчамга эга.

Nokia G 21 процессори ҳам шунга мос — 12 нм чип Cortex-А75 ядроси ва А55 олти ядросида ишлайди. 4/6 ГБ оператив, 64/128 ГБ ички хотира ўрнатилган, MicroSD карта ҳисобига эса хотирани янада кенгайтириш мумкин. Бундан ташқари иккита SIM карта билан ишлайди.

Nokia G 21 арзон смартфон бўлиб, бошланғич нархи 192 долларга баҳоланмоқда. Янги модел иккита ранг вариантида тақдим этилади: “Nordic Blue” ва “Dusk”.

• Nokia
• Telefon