Кеча, 3 январь куни “Ньюкасл Юнайтед” жамоаси АПЛнинг 19-турида турнир пешқадами “Арсенал” билан дуранг (0:0) ўйнади.

Шундай қилиб, “қарғалар” лақабли жамоанинг ўзи қатнашган барча турнирлардаги ғалабали серияси 15 тага етди. Улар АПЛнинг сўнгги 5 ўйинида 2 та дуранг қайд этди ва 3 та ўйинда ғалаба қозонди.

“Сент Жеймс Парк” стадиони эгалари 1995 йилнинг декабрь ойидан бери илк марта яхши натижалари билан Премьер лиганинг юқори қаторларига етиб келди. Ўша мавсумда "Нюкасл" Премьер лиганинг кумуш медаллари соҳибига айланган эди.

Айни пайтда “Ньюкасл”нинг ҳисобида 35 очко мавжуд. Жамоа Манчестернинг “Юнайтед” жамоасидан 1 очко олдинда, “Сити”дан эса 1 очко орқада бормоқда.

Клубнинг кейинги ўйини 15 январь куни “Фулҳем”га қарши бўлиб ўтади.

• АПЛ
• Арсенал
• Нюкасл