“Ҳудудгаз Тошкент” ГТФ комплаенс назорат тузилмалари, “Оҳангаронтумангаз” ГТБ, Ўзенергоинспексия ва Иқтисодий жиноятларга қарши курашиш Департаменти ходимлари иштирокида Тошкент вилоятининг Оҳангарон туманида табиий газдан ноқонуний фойдаланиш ҳолатларини аниқлаш бўйича назорат тадбирлари ўтказилиши давомида туманнинг “Ёнариқ” МФЙда жойлашган “Н.” МЧЖга тегишли корхонада газ таъминоти ташкилоти билан шартнома расмийлаштирмасдан газ тармоғига уланиб, табиий ресурсдан ноқонуний фойдаланиб келингани аниқланган.

Бу ҳақда, Энергетика вазирлиги ахборот хизмати хабар берди.

Ушбу ҳолат юзасидан далолатнома тузилиб, сарфланган табиий газ ҳажми қонунчиликда белгиланган тартибда қайта ҳисоб-китоб қилинганда, истеъмолчи томонидан давлат манфаатларига 8,7 миллиард сўмлик зарар етказилгани маълум бўлган.

“Барча ҳужжатлар ҳуқуқни муҳофаза қилувчи органларга топширилади”, – дейилади хабарда.

• Газ
• Ohangaron
• Qoidabuzarlik