Қашқадарё вилоятининг Яккабоғ туманида Ички ишлар бўлими ходими маҳаллий фуқарони қийноққа солиб, калтаклагани ҳақида хабар тарқалди.

Айтишларича, фуқаро калтакланиши оқибатида қовурғаларидан жароҳат олган ва оғир аҳволга тушган. Шунингдек, унинг Яккабоғ тумани тез тиббий ёрдам бўлимида қабул қилинмагани ҳам айтилмоқда.

Ҳозирда фуқаро ИИБ ходимлари таъсиридан холи бўлиши учун қўшни Шаҳрисабз тумани Марказий шифохонасида даволанаётгани билдирилган.

Мазкур ҳолат бўйича барча тафсилотлар тегишли тартибда, холис ва ҳар томонлама ўрганилиши муҳим. Агар ҳолат тасдиқланса, айбдор шахсларга нисбатан қонуний чора кўрилиши лозим.

Қийноқларга йўл қўйилиши инсон ҳуқуқларининг бузилишига олиб келиши билан бирга, ҳуқуқни муҳофаза қилувчи органларга бўлган ишончга ҳам жиддий зарар етказиши мумкин.

Ҳозирча мазкур хабар бўйича расмий идоралар томонидан қўшимча маълумот берилмаган.