Антарктидада жойлашган, “Қиёмат” музлиги деб аталадиган Туейс музлиги ўтган асрнинг 40 йилларида эрий бошлаган. АҚШ ва Буюк Британиядан келган халқаро геологлар гуруҳи шундай хулосага келишди.

Туейс музлиги эриши натижасида юзага келиши мумкин бўлган ҳалокатли оқибатлар туфайли "Қиёмат" музлиги деб аталади. Мутахассисларнинг фикрича, у бутунлай эриши билан денгиз сатҳи 0,6 метрга, келажакда эса уч метрга кўтарилади. Бир қатор тадқиқотчиларнинг таъкидлашича, бу бутун ғарбий Антарктида муз қатламини беқарорлаштириши мумкин.

Музлик 1970 йиллардан бери эриб бормоқда. Бироқ, мутахассислар узоқ вақт давомида аниқ қачон бошланганини ва бу жараённи нима сабабдан бошлаганини аниқлай олмадилар. Бу саволга жавоб бериш учун геологлар эриш фронти бўйлаб турли чуқурликлардан денгиз чўкинди ядроларини йиғишди. Улар компьютер дастурлари, томография ва бошқа усуллар ёрдамида таҳлил қилинди. Натижалар шуни кўрсатдики, муз токчасининг ингичкалаши камида 1940 йилларда бошланган.

Бунга Тинч океанининг шарқий қисмидаги сувнинг сирт қатлами ҳароратининг ошиши бўлган Эл-Нинё ҳодисаси сабаб бўлди. Олимларнинг фикрича, айнан Эл-Нинё сайёрамизнинг турли қисмларида ғайритабиий иссиқликни келтириб чиқарадиган иссиқлик тўлқинларини яратади, деб ёзади илмий журнал.

• Muzliklar
• аномал иссиқ