Ҳар йили ўтказиладиган "Олтин малина" антимукофотига номзодлар рўйхати тақдим этилди. Унга "даъвогарлик қилаётган" фильмлар орасида номинациялар сони бўйича етакчилик режиссёр Эндрю Доминик томонидан суратга олинган "Малласоч" фильмига тегишли бўлиб турибди.

"Малласоч" фильми умумий ҳисобда 8 та номинация бўйича антимукофотга номзод сифатида кўрсатилган. Ушбу фильм Голливуд юлдузи Мэрилин Монронинг ҳаёти ва ижоди ҳақида суратга олинган бўлиб, ундаги бош ролни актриса Ана де Армас ижро этган.

Мусиқачилар Machine Gun Kelly ва Mod Sun томонидан ишланган "Хайрли мотам" комедияси 7 та номинация бўйича "Олтин малина"га муносиб дея топилиши мумкин. Роберт Земекиснинг "Пиноккио"фильми эса 6 та йўналиш бўйича антимукофотга номзод сифатида кўрсатилган.

Маълумот учун, "Олтин малина" антимукофоти ҳар йили энг муваффақиятсиз лойиҳаларга тақдим этиб келинади. Бу йили антимукофотнинг тақдирлаш маросимини ўтказиш 11 март санасига режалаштирилган.

• Кино
• Маданият
• Мукофот