Оқ уй томонидан эълон қилинган 20 банддан иборат янги режа бўйича, Ғазо секторида вақтинчалик ташқи бошқарувни халқаро иштирокчилар билан биргаликда ташкил этиш таклиф қилинмоқда. АҚШ президенти Доналд Трампнинг Ғазо бўйича илгари сурган режасида, гаровга олинган шахслар озод қилиниши эвазига зудлик билан ҳарбий ҳаракатларни тўхтатиш, Исроил қўшинларини ҳудуддан олиб чиқиш ва можарони музлатиш кўзда тутилган.

Трамп, шунингдек, Исроил томонига унинг таклифини қабул қилгач, гаровдагиларни озод қилиш учун 72 соатлик муддат ажратилишини таъкидлаган. АҚШ ҳукумати Ғазо секторида вақтинчалик барқарорликни таъминлаш учун араб давлатлари ва халқаро ҳамкорлар билан ҳамкорликда махсус кучлар тузишни режалаштирмоқда. Режада қатнашадиган давлатлар учун Ғазода махсус иқтисодий зона ташкил этилиши ва бу борада улар имтиёзли шартларга эга бўлиши белгиланган.

Шунингдек, режа доирасида қуролсизланишга рози бўлган ва тинч ҳаётни танлаган ХАМАС аъзолари учун амнистия берилиши назарда тутилмоқда. Оқ уйнинг таъкидлашича, Трамп илгари сурган таклифда Исроил Ғазо секторини босиб олмаслиги ва ҳудудни аннексия қилмаслиги қатъий кўрсатилган.

• АҚШ
• Isroil
• Oq uy
• Трамп