Сўнгги йилларда турли ҳудудларда турнирлар ташкил қилаётган промоутерлик компанияси – UFC эндиликда Оқ уй ҳудудида жанглар ташкил қилишни режа қилган.

“Бу турнир аниқ бўлади”, — деган UFC президенти Дана Уайт CBS Mornings дастури эфирида.

Данага кўра, мусобақани ўтказиш тартиби АҚШ президенти Доналд Трамп билан муҳокама қилинган Техник тафсилотларни Оқ уй администрацияси билан келишиш қолган холос.

UFC Оқ уй ҳудудида ўтказиладиган мусобақанинг иштирокчилар рўйхати ҳозирча аниқланмаган. Номзодлар орасида Трампнинг севимли жангчиси Колби Ковингтон ҳам бор. Аммо унинг сўнгги жанглардаги натижалари ва дивизиондаги кучли рақобат бу имкониятни қийинлаштириши мумкин.

Трампнинг режасига кўра, жанг 2026 йилда, АҚШ Мустақиллик декларацияси имзоланганининг 250 йиллиги муносабати билан ўтказилади. АҚШ президенти тахминан 25 минг томошабин келишини кутмоқда. Бу янгиликка тажрибали юлдузлар ҳам бефарқ қолмади. Жумладан, UFC'да истеъфо берган собиқ жангчи Жон Жонс ҳам ижтимоий тармоқларда Оқ уйда бўладиган турнирда қатнашиши мумкинлигига ишора қилган.

• Дана Уайт
• Oq uy
• Трамп
• UFC
• turnir