Ўзбекистонда тиббий маҳсулотлар ишлаб чиқаришни маҳаллийлаштириш доирасида турк фармацевтика компаниялари учун алоҳида саноат зонасини ташкил этиш таклиф қилинди. Бу ташаббус Президент Шавкат Мирзиёев томонидан Ўзбекистон – Туркия бизнес кенгаши йиғилишида илгари сурилди.
Маълум қилинишича, Тошкент фармацевтика паркида инвесторлар учун имтиёз ва преференциялар, зарур инфратузилма ҳамда ишлаб чиқариш майдонлари тақдим этилмоқда.
Йиғилишда 2002 йилдан буён Ўзбекистонда фаолият юритаётган «Нобель Pharmsanoat» компанияси икки мамлакат ўртасидаги фармацевтика ҳамкорлигининг амалий намунаси сифатида қайд этилди.
Шунингдек, Туркиянинг бошқа етакчи фармацевтика компаниялари ҳам Ўзбекистонда ишлаб чиқариш лойиҳаларини амалга ошириш ва соҳадаги ҳамкорликни кенгайтиришга таклиф қилинди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!