Ўзбекистонда АИ-80 маркали бензин биржа савдоларига чиқарилди. Бироқ ушбу маҳсулот автомобилларга ёқилғи сифатида қуйиш шохобчаларида сотилмайди. Бу ҳақда Энергетика вазирлиги маълум қилди.
Вазирлик маълумотига кўра, биржа савдоларига чиқарилган АИ-80 бензини қайта ишлаш корхоналарида хомашё сифатида фойдаланиш учун мўлжалланган. Ундан технологик қайта ишлаш орқали юқори октанли бензин ва бошқа кимёвий маҳсулотлар ишлаб чиқариш мумкин.
Савдо шартларига мувофиқ, ушбу маҳсулотни фақат тегишли лицензияга эга қайта ишлаш корхоналари харид қилиши мумкин.
Энергетика вазирлиги биржа савдоларининг бошланиши АИ-80 бензинининг автомобилларга ёқилғи сифатида сотувга қайтарилганини англатмаслигини алоҳида таъкидлади. Уни АЁҚШларда сотиш бўйича амалдаги чекловлар сақланиб қолади.
Эслатиб ўтамиз, Президентнинг 2025 йил 30 январдаги фармони билан 2025 йил якунига қадар АИ-80 маркали автомобиль бензинидан фойдаланиш ва уни сотишни чеклаш белгиланган эди. “Ўзбекнефтгаз” АЖ эса 2025 йил 2 сентабрдан бошлаб АИ-80 бензинини биржа савдолари орқали сотишни тўхтатган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!