Америкалик баскетболчилар ЛеБрон ва Бронни Жеймс бир вақтнинг ўзида битта жамоада ўйнаган тарихдаги ота- ўғил бўлди. Улар “Лос-Анжелес Лейкерс” клуби таркибида Миллий Баскетбол Ассоциация (НБА) ўйинида паркетга тушди.
Жеймслар паркетда икки ярим дақиқа вақтни бирга ўтказишди. Бронни ўйин вақтида тўпни саватга аниқ ташлай олмади ва узатмани ҳам амалга ошира олмади. Бу 20 ёшли баскетболчи учун дунёнинг энг кучли лигасидаги биринчи ўйин бўлди. Бироқ, ЛеБрон Лигада 22-мавсумини ўтказмоқда ва бу ноёб ютуқ.
39 ёшли ЛеБрон Жеймс тарихдаги энг яхши баскетболчилардан бири сифатида тан олинган, дунёдаги энг кўп маош оладиган спортчилардан бири. У тўрт карра НБА чемпиони, тўрт карра НБА финалининг энг яхши ўйинчиси, тўрт карра НБА энг фойдали ўйинчиси. 13 марта НБА юлдузларининг биринчи жамоасига киритилган.
“Биз шунчаки ўз ишимизни бажардик. Бронни ҳам, мен ҳам бундан шоу қилишга уринмадик, бир-биримизга ўйнамадик. Биз бир жамоа бўлиб ўйнадик ва менимча, ҳаммаси муваффақиятли бўлди”, деди “Лос-Анжелес Лейкерс” ҳужумчиси ЛеБрон Жеймс. “Паркетга чиқишдан олдин мен бироз хавотирда эдим ва бу ажабланарли эмас, сиз ҳар доим биринчи ўйинидан олдин асабийлашасиз. Аммо кейин тинчландим ва паркетда ўтказган вақтимдан мамнун бўлдим”, деди Бронни Жеймс.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!