Physiology & Behavior журналида ажойиб тадқиқот натижалари чоп этилди. Унга кўра, оталар нафақат фарзандларининг ҳидидан танийди, балки бу ҳидларни ёқимлироқ деб биладилар. Бу тадқиқот Германиянинг Дрезден техника университети олимлари томонидан амалга оширилган.

Тадқиқотда 56 нафар ота ва уларнинг 73 нафар биологик фарзандлари иштирок этди. Болалардан душ қабул қилиш ва тоза, илгари кийилмаган кийимларда ухлаш сўралди. Эрталаб бу кўйлаклар йиғиб олиниб, ҳид намуналарини яратиш учун олимларга топширилди. Кейин оталардан турли ҳидларни бир қатор хусусиятлар бўйича баҳолаш ва улардан қайси бири фарзандларига тегишли эканини аниқлаш сўралди.

Оталар уч ёшгача бўлган фарзандларининг ҳидини 37 фоиз ҳолларда, ўсмир ёшга яқинларининг ҳидини 33 фоиз ҳолларда аниқлай олишган. Бу ишда оталар таваккал қилишмаган. Улар ҳақиқатдан ҳам ўз болаларининг ҳидини таний олишган.

Шунингдек, ҳиднинг ёқимлилиги ота ва бола ўртасидаги алоқани мустаҳкамлашга ёрдам берувчи ижобий ҳиссиётлар билан боғлиқлиги ҳам аниқланган.

• Lifestyle
• Янгилик
• тадқиқот