Озарбайжоннинг ўққа тутиши натижасида бир неча арман аскари яраланди, деб хабар берди Арманистон Мудофаа вазирлиги матбуот хизмати. Маълум қилинишича, воқеа Сюник туманидаги Неркин Ханд қишлоғида содир бўлган.

Агентликнинг даъво қилишича, ёнғин бугун, 13 февраль куни маҳаллий вақт билан 5:30 (Тошкент вақти билан 8:30) да бошланган.

“Озарбайжон Қуролли кучлари бўлинмалари арманлар позицияларига ўқ узган, дастлабки маълумотларга кўра, арман аскарлари яраланган”, — дейилади матбуот хабарида.

2023 йил 5 октябрда Арманистон бош вазири Никол Пашинян Қорабоғ ҳудудини Озарбайжон ҳудуди деб тан олиш тўғрисидаги декларацияни имзолади. Орадан 10 кун ўтиб Озарбайжон президенти Илҳом Алиев Қорабоғ пойтахти узра Озарбайжон байроғини кўтарди. Январь ойида Пашинян Озарбайжонга ҳужум қилмаслик тўғрисидаги пакт тузиш таклифини эълон қилди.

Кеча, 12 февраль куни Озарбайжон Ташқи ишлар вазирлиги арман ҳарбийларини чегарани ўққа тутганликда айблади. Вазирлик маълумотларига кўра, Озарбайжон Давлат чегара хизматининг бир нафар ҳарбий хизматчиси яраланган.

• Арманистон
• Озарбайжон