Жаҳон Чемпионати 3-босқич 6-туридан ўрин олган Шимолий Корея-Ўзбекистон ўйини меҳмонларнинг 0:1 ҳисобидаги ғалабаси билан якунланди. Учрашувдаги ягона голга 44-дақиқада Аббосбек Файзуллаев муаллифлик қилди.

Шунингдек, учрашувнинг 83-дақиқасида Ўзбекистон дарвозасига пенальти белгиланди ҳамда ҳимоячи Умар Эшмуродовга қизил карточка кўрсатилди. Рақибларнинг амалга оширган пенальти зарбасини дарвозабон Ўткир Юсупов қайтаришга муваффақ бўлди.

6-турдан сўнг Ўзбекистон терма жамоаси 13 очко билан гуруҳдаги ўрнини сақлаб турибди.

• Футбол
• Shimoliy Korea
• терма жамоа