Ўзбекистон Молиявий хавфсизлик бўйича халқаро олимпиадада иштирок этади. Бу ҳақда Россия бош вазири ўринбосари Дмитрий Чернишенко маълум қилди.
Қайд этилишича, олимпиадада 15 давлат вакиллари иштирок этади. Улар орасида Намибия, Эрон ва Покистондан иштирокчилар биринчи марта мусобақада қатнашади.
“Агар 2021 йилда олимпиадада етти давлатдан мактаб ўқувчилари ва талабалари иштирок этган бўлса, 2022 йилда 12 давлат, жумладан, БРИКС мамлакатлари (Бразилия, Россия, Ҳиндистон, Хитой, Жанубий Африка) ҳам иштирок этади”, — деди Чернишенко.
Унинг таъкидлашича, Россияда жорий йилда ўқувчилар ва талабаларни олимпиадалараро тайёрлаш маркази ташкил этилган. Унинг асосий вазифаларидан бири олимпиадани ривожлантиришдан иборат. Шунингдек, ДХР, ЛХР, Херсон ва Запорожье вилоятларидан болалар ва ёшларни жалб қилишга алоҳида эътибор қаратилишини айтиб ўтган.
Бундан ташқари, Бош вазир ўринбосари Олимпиадага дўст давлатлар, хусусан, Куба ва Вьетнам вакилларини жалб этиш имкониятларини кўриб чиқишни тавсия қилди.
Олимпиаданинг олдинги икки йили натижаларига кўра, нафақат эришилган натижаларни сақлаб қолиш, балки уларни сезиларли даражада яхшилаш ҳам зарурлигига урғу берган Чернишенко.
Қайд этилишича, 2021-2022 йилларда олимпиаданинг саралаш босқичларига 70 мингдан ортиқ ариза топширилган, 860 дан ортиқ иштирокчи финалга чиққан, 223 нафари эса совриндор ва ғолиб бўлган.
Олимпиада ғолиблари олий ўқув юртларининг ихтисослаштирилган йўналишларига имтиҳонларсиз ўқишга кириш имкониятига эга бўлади.
Маълумот учун, Халқаро молиявий хавфсизлик олимпиадаси учинчи бор ўтказилмоқда. 2021 йилда унда етти давлат (Россия, Беларусь, Ўзбекистон, Тожикистон, Туркманистон, Қозоғистон, Қирғизистон), 2022 йилда 12 давлат – Россия, Беларус, Ўзбекистон, Тожикистон, Туркманистон, Қозоғистон, Қирғизистон, Арманистон, Ҳиндистон, Хитой, Жанубий Африка, Бразилиядан иштирокчилар қатнашган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!