Футбол бўйича Ўзбекистон миллий терма жамоаси Халқаро футбол федерациясининг янгиланган рейтингида 61-ўринга кўтарилди. Бу ҳақда ФИФА матбуот хизмати маълум қилди.

Сречко Катанес шогирдлари рейтингдаги ўрнини ўтган ойдагидан бир поғона яхшилади. Терма жамоа июнь ойида 2 та ўйин ўтказиб, 1 та ғалаба ва дуранг қайд этди.

Ҳозирги кунда рейтингни Аргентина терма жамоаси бошқариб келмоқда. 2-ўринни эса Франция терма жамоаси банд этган. Кучли бешликда 2 та катта ўзгариш рўй берди. Евро-2024 финалчилари Испания ва Англия 15 ва 11 поғона юқорилаб, мос равишда 3 ҳамда 4-ўринларни эгаллади.

Европа чемпионатида муваффақиятсиз иштирок этган Белгия ва Америка кубоги билан эрта хайрлашган Бразилия кучли учликни тарк этди. Белгия жадвалда 5-ўринни эгаллаган бўлса, жанубий америкаликлар 6-ўринга тушиб кетди.

• FIFA