Футбол бўйича U-20 Осиё кубогининг чорак финалида Ўзбекистон ёшлар терма жамоаси Жанубий Кореяга қарши баҳс олиб борди. Учрашувнинг 18-дақиқасида эса Тухсанов гол урди ва ҳисобни очди. Орадан 8 дақиқа ўтиб, кореяликлар ҳисобни тенглаштирди. 

Иккинчи бўлимнинг бошларида Жанубий Корея вакиллари ҳисобда олдинга чиқиб олишди. 61-дақиқада эса орадаги фарқ йириклашди

Ҳакам томонидан қўшиб берилган илк дақиқада Муҳаммадали Ўринбоев узоқ масофадан зарба йўллаб ҳисобни қисқартирди. 90+4-дақиқага келиб эса Абдуғофур Ҳайдаров ҳисобни тенглаштирди.

Шундан сўнг қўшимча бўлимларга ўтилди. Ушбу бўлимларда ҳисоб ўзгаришсиз қолгач, пенальтилар сериясига навбат берилди. Унда Жанубий Корея вакиллари 3:1 ҳисобида ғалаба қозонди. Мазкур мағлубият Ўзбекистон U-20 терма жамоасини Жаҳон чемпионати йўлланмасидан мосуво қилди.

• Футбол
• Janubiy Koreya
• Осиё кубоги
• Ўзбекистон