Ўзбекистонда бензин, дизель, газ ва электр энергияси ишлаб чиқариш камайди. Бу ҳақда Миллий статистика қўмитаси хабар берди.

Биринчи чоракда нефть қазиб олиш ҳажми 160,8 минг тоннани ташкил этди ва 2024 йилнинг тегишли даврига нисбатан 10,22 фоизга камайди. Натижада, автомобиль бензини ишлаб чиқариш 15,61 фоизга камайди.

Табиий газ қазиб олиш 2,76 фоизга камайиб, 11,32 миллиард кубометрни ташкил этди. Ойлик ишлаб чиқариш 3,5 йил ичида биринчи марта ошди. Шунингдек, газ конденсати ишлаб чиқариш ҳажми 9,4 фоизга камайди ва 296,6 минг тоннани ташкил этди.

Шу билан бирга, кўмир қазиб олишда ижобий динамика қайд этилди. Дастлабки уч ой ичида 1,21 млн тоннадан ортиқ кўмир ишлаб чиқарилган.

Бундан ташқари, электр энергияси ишлаб чиқариш ҳажми 0,33 фоизга камайди, йирик корхоналар бўйича электр энергияси ишлаб чиқариш 17,7 фоизга камайди.

• Бензин
• Электр энергияси
• Ўзбекистон