“Манчестер Сити” ва Ўзбекистон терма жамоаси ҳимоячиси Абдуқодир Ҳусанов Англия Премер Лигаси 30-туридан ўрин олган “Вест Ҳем”га қарши учрашувда (1:1) асосий таркибда майдонга тушиб, тўлиқ ҳаракат қилди.

Учрашувда Ҳусанов 99 марта тўп билан муомала қилди. Ҳимоячи жами 85 та узатма амалга оширди, уларнинг 78 таси аниқ манзилга етиб борди — 92 фоиз аниқлик. У рақиб футболчиларини икки марта муваффақиятли алдаб ўтишга муваффақ бўлди. Sofascore портали ўзбекистонлик футболчининг ҳаракатларини 6,7 балл билан баҳолади.

Абдуқодир Ҳусановнинг ҳимоядаги ҳаракатлари:

Ҳимоявий ҳаракатлар — 7 марта;

Рақиб ҳужумини қайтариб қолиш — 1 марта;

Тўпни қайтариб олиш — 6 марта;

Тозалаш — 6 марта;

Ерда курашлар — 3 марта (2 таси муваффақиятли);

Ҳаводаги кураш — 5 марта (3 таси муваффақиятли).

Ушбу баҳсдан сўнг “Манчестер Сити” турнир жадвалида 61 очко билан иккинчи поғонани эгаллаб турибди. Пеп Гвардиола шогирдлари “карвонбоши” “Арсенал”дан тўққиз очкога ортда қолмоқда. Шунингдек, “шаҳарликлар” ҳисобида битта қўшимча ўйин ҳам мавжуд.

• Abduqodir Husanov
• Angliya
• Футбол
• Manchester Siti