Миллий статистика қўмитаси маълумотларига кўра, 2025-йил 1-апрель ҳолатига, Ўзбекистонда фаолият кўрсатаётган корхона ва ташкилотлар сони 442,4 мингтани ташкил этган.

Шундан 372,9 мингтаси ёки 84,3 фоизи кичик корхона ва микрофирмалар ҳиссасига тўғри келади.

Ҳудудлар бўйича энг кўп фаолият кўрсатаётган корхона ва ташкилотлар Тошкент шаҳрида – 22,6 фоиз, Тошкент – 9,6 фоиз, Самарқанд – 8,8 фоиз, Фарғона – 8,1 фоиз ва Қашқадарё вилоятида – 6,5 фоиз фаолият кўрсатмоқда.

2025-йил 1-апрель ҳолатига фаолият юритаётган корхона ва ташкилотларнинг иқтисодий фаолият турлари бўйича энг кўп қисми “савдо” тармоғида бўлиб, унинг жами сонидаги улуши 32,6 фоизни ташкил этди.

Хорижий инвеститсиялар иштирокида фаолият кўрсатаётган корхоналарнинг сони, 2024-йилнинг мос даврига нисбатан 1 513 тага ошган.

Бу асосан, савдо соҳасидаги корхоналар сонининг 5 056 тадан 5 686 тага, (ўсиш 630 тага), ахборот ва алоқа соҳасида 917 тадан 1 131 тага (ўсиш 214 тага) ва қурилиш соҳасида 956 тадан 1146 тага (ўсиш 190 тага) кўпайиши билан боғлиқ.

• korxona
• korxona va tashkilotlar
• статистика