Ўзбекистонда айни пайтда Иккинчи жаҳон уруши қатнашчилари ҳамда уларга тенглаштирилган жами 60 нафар фахрий истиқомат қилмоқда.

Маълум қилинишича, улар орасида 19 нафар концлагер тутқуни, 14 нафар уруш қатнашчиси, 14 нафар уруш ногирони ҳамда 13 нафар Ленинград қамали қатнашчиси бор.

Фахрийларнинг ҳудудлар кесимидаги тақсимоти қуйидагича:

▪️ Тошкент шаҳри — 28 нафар;
▪️ Тошкент вилояти — 11 нафар;
▪️ Фарғона вилояти — 5 нафар;
▪️ Андижон, Бухоро ва Хоразм вилоятларида — 3 нафардан;
▪️ Наманган ва Қашқадарё вилоятларида — 2 нафардан;
▪️ Жиззах, Самарқанд ва Сурхондарё вилоятларида — 1 нафардан.

Мутасаддилар томонидан фахрийларни қўллаб-қувватлаш, уларнинг саломатлиги ва ижтимоий ҳимоясига алоҳида эътибор қаратилаётгани таъкидланди.