Ўзбекистон терма жамоаси ва “Истанбул Башакшеҳир” ҳужумчиси Элдор Шомуродовга Туркиянинг бошқа футбол клублари қизиқиш билдирмоқда.

Хабарларга кўра, ўтган мавсум Туркия Суперлигасида иккинчи ўринни эгаллаган “Фенербаҳче” Ўзбекистон терма жамоаси ҳужумчиси Элдор Шомуродовни ўз сафига қўшиб олишни режалаштирмоқда. Fotomach нашрининг ёзишича, истанбулликлар тажрибали форвардни ҳужум чизиғидаги рақобатни кучайтириш учун муносиб номзод сифатида баҳоламоқда.

Шунингдек, Шомуродовга Туркиянинг яна бир клуби — “Трабзонспор” ҳам қизиқиш билдирмоқда. Бундан ташқари, Саудия Арабистони клубларидан ҳам молиявий жиҳатдан манфаатли таклифлар борлиги айтилмоқда.

Маълумот учун, ҳамюртимиз якунланган мавсум давомида барча мусобақаларда 22 та гол уриб, 5 та голли узатмани амалга оширган.

• Елдор Шомуродов
• Футбол
• Саудия Арабистони
• Спорт
• Туркия