Нидерландия Украинага 42 та F-16 самолёти етказиб беради. Украина президенти Володимир Зеленский Нидерландия бош вазири Марк Рютте билан учрашувдан сўнг келишувга эришилганини маълум қилди.

“Марк Рутте ва мен учувчиларимиз ва муҳандисларимизни ўқитишдан сўнг, Украинага бериладиган F-16 самолётлари сонини келишиб олдик. 42 та самолёт ва бу ҳали бошланиши. Нидерландияга раҳмат!” – деди Украина раҳбари Нидерландия бош вазири билан музокаралардан сўнг.

Нидерландиядан кейин Данияга ташрифи чоғида Зеленский мамлакат бош вазири Метте Фредериксен билан учрашди. Фредериксен хоним Копенгаген Киевга 19 та самолёт топширишини маълум қилди. У F-16 самолётларининг биринчи партияси янги йил олдидан Украинага етказилишига умид қилмоқда.

Зеленский Дания Бош вазири Фредериксен билан биргаликда Скридструп ҳарбий ҳаво базасида F-16 самолётларини кўздан кечирди ва шахсан ўзи Бош вазир билан бирга унга ўтириб кўрди.

Зеленский келишувни Украина ҳаво қалқонини мустаҳкамлаш бўйича яна бир қадам деб атади.

Шунингдек, Зеленский глобал тинчлик саммити, тинчлик формуласи ва “Россияни жавобгарликка тортиш” кун тартибида эканини қайд этди.

• F-16
• Нидерландия
• Украина