Мисрлик қиличбоз Нада Ҳафез 2024-йилги Олимпия ўйинларида иштирок этди. Бу ҳақда спортчининг ўзи Instagram саҳифасида маълум қилди.

 "Сиз майдонда иккита иштирокчи деб ўйлаганингиз аслида учта эди. Бу мен, рақибим ва туғилмаган фарзандим эди”, — деб ёзади спортчи.

Қиличбознинг таъкидлашича, унинг ўзи ва  чақолоғи жисмоний, ҳам ҳиссий жиҳатдан қийинчиликларга дуч келган.

“Ҳомиладорлик даври ўз-ўзидан қийин, аммо ҳаёт ва спорт мувозанатини сақлаш учун курашиш жуда машаққатли, аммо у бунга арзийди”, дейди у. Шунингдек, у турмуш ўртоғига ва оиласига ёрдам учун миннатдорчилик билдирган.

Мамлакат шарафини ҳимоя қилиш учун майдонга тушган Нада 15 очкодан 13 очко жамғарган ҳолда рақибини мағлуб этди. Аммо иккинчи даврада у Шимолий Кореялик рақиби Жун Хаиюнга 7 дан 15 очко билан мағлуб бўлди.

• Олимпиада
• Parij