Эрондаги президентлик сайловида ҳеч бир номзод 50 фоиздан юқори овоз тўплай олмагани аниқланди.

“Эрон президенти сайловининг иккинчи босқичи 5 июль куни бўлиб ўтади” – деди мамлакат сайлов комиссияси вакили Моҳсен Эслами. “Номзодларнинг ҳеч бири кўпчилик овозни қўлга кирита олмаганлиги сабабли, қонун бўйича сайловнинг иккинчи босқичи ўтказилади. Сайловнинг кейинги босқичи 5-июль, жума куни бутун мамлакат бўйлаб бўлиб ўтади” – деган у.

Эслатиб ўтамиз Эронда президентлик сайлови 28 июнь, жума куни бўлиб ўтди. IRNA маълумотларига кўра, Эроннинг 482 вилоятидаги 58 мингдан ортиқ сайлов участкаларида 24,5 миллиондан ортиқ овоз берилган. Биринчи тур якунлари бўйича 10,4 миллиондан ортиқ овоз олган ислоҳотчи Масуд Пезешкиян етакчилик қилмоқда. Унинг асосий рақиби, консерватив Саид Жалилига 9,4 миллиондан ортиқ киши овоз берган.

• Eron
• Президент
• saylov