АҚШ ҳукумати июль ойида Вашингтонда ўтадиган НАТО саммити доирасида Арманистон ва Озарбайжонни ташқи ишлар вазирлари йиғилишига таклиф қилди. Бу ҳақда 28 июнь куни Бокудаги брифингда сўзлаган АҚШ давлат котибининг Европа ва Евроосиё масалалари бўйича ёрдамчиси Жеймс ЎБраен маълум қилди, деб ёзади “Медуза”.

“Давлат котиби Энтони Блинкен НАТО бўйича барча ҳамкорлар, жумладан Арманистон ва Озарбайжон учун тадбир ўтказмоқда. Шунинг учун иккала давлат ҳам иштирок этишини кутаман. Бу ташқи ишлар вазирлари даражасида амалга оширилади. Жами 30 та ҳамкор давлат иштирок этади”, - деди у.

Арманистон Ташқи ишлар вазирлиги матбуот котиби Ани Бадаляннинг ТАСС агентлигига маълум қилишича, мамлакат “Вашингтондаги НАТО саммити ва тегишли тадбирларда шериклик форматидаги тадбирда” иштирок этишини тасдиқлаган. "Ҳозирда бошқа келишувлар йўқ”, деди Бадалян.

1949 йилда Шимолий Атлантика шартномаси имзоланганининг 75 йиллигига бағишланган НАТО юбилей саммити 9-11 июль кунлари Вашингтонда бўлиб ўтади.

Арманистон ҳам худди Озарбайжон каби 1992 йилда НАТО билан ҳамкорлик қила бошлаган. Ҳар икки давлат 1994 йилда Альянснинг “Тинчлик йўлида ҳамкорлик” дастурига қўшилган.

• Арманистон
• Ozarboyjon