Россия Федерацияси президенти Владимир Путин жорий йилнинг 27-30 август кунлари бўлиб ўтаётган Қозон глобал ёшлар саммити иштирокчилари ва меҳмонларига йўллаган табригида Ислом дунёси мамлакатларини минтақавий ва глобал кун тартибидаги долзарб масалаларни ҳал қилишда Москванинг анъанавий ҳамкорлари деб атади. Телеграмма Кремль сайтида эълон қилинди.
“Ислом дунёси давлатлари минтақавий ва глобал кун тартибидаги кўплаб долзарб масалаларни ҳал этишда, янада адолатли, демократик дунё тартибини барпо этиш борасидаги саъй-ҳаракатларда бизнинг анъанавий ҳамкорларимиздир. — дейди Путин ўз баёнотида.
Россия раҳбари Қозон шаҳрининг Ислом ҳамкорлик ташкилоти (ИҲТ) ёшлар пойтахти этиб сайлангани Россиянинг ушбу халқаро тузилма билан алоқалари юксак даражада эканлигини тасдиқлаганини таъкидлади.
Маълумот учун, Қозон глобал ёшлар саммити жорий йилнинг 27-30 август кунлари бўлиб ўтади. Унда ИҲТга аъзо давлатлар Ёшлар ишлари ва спорт вазирлари, уларнинг Фавқулодда ва Мухтор элчилари, Бош консуллари, ёшлар ташкилотлари етакчилари, ёшлар сиёсати билан шуғулланувчи халқаро ташкилотлар вакиллари, фикр етакчилари, ёш тадбиркорлар ва илмий жамоатчилик вакиллари иштирок этмоқда. Саммит “Қозон – ИҲТ 2022 ёшлар пойтахти” халқаро дастури доирасида ўтказилмоқда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!