Қозоғистон президентининг матбуот котиби Руслан Желдибай Россия раҳбари Владимир Путин Қосим-Жўмарт Тўқаевга Олий Евроосиё иқтисодий кенгаши йиғилишида узатган қоғозда нима ёзилганини маълум қилди. Бу ҳақда РИА Новости хабар бермоқда.
Желдибайнинг сўзларига кўра, журналистлар эътиборини тортган нотада Россия томонининг Қозоғистондан юк жўнатувчиларнинг Россия темир йўллари орқали ички тарифлар бўйича ташишга кириши ҳақидаги саволга жавоби келтирилган.
Матбуот котибининг сўзларига кўра, Россия ҳукумати белгиланган манзили Қозоғистон ҳудудида бўлган товарларга имтиёзли тарифдан фойдаланиш мумкин, деб ҳисоблайди. Шу билан бирга, Россия ҳудудидан транзит ўтаётган товарларга экспорт тарифлари қўлланилиши керак.
Аввалроқ, Путин Тўқаев билан телефон орқали мулоқот қилган ва уни 70 ёшга тўлиши билан табриклаган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!