Ўзбекистон Республикаси Президенти Шавкат Мирзиёевнинг Қирғиз Республикаси Президенти Садир Жапаров билан телефон орқали мулоқоти бўлиб ўтди.

Қирғизистон Президенти давлат раҳбарини таваллуд куни билан самимий муборакбод этиб, мустаҳкам соғлик, Ўзбекистон Республикасига тинчлик-осойишталик, равнақ ва барқарор тараққиёт тилаган.

Шунингдек, Ўзбекистон Республикаси Президенти Шавкат Мирзиёев Тожикистон Республикаси Президенти Эмомали Раҳмон билан ҳам телефон орқали мулоқот қилди.

Мазкур мулоқотда Ўзбекистон-Тожикистон стратегик шериклик ва иттифоқчилик муносабатларини янада ривожлантириш масалалари кўриб чиқилган.

Тожикистон етакчиси давлат раҳбарини таваллуд куни билан самимий муборакбод этиб, унга мустаҳкам соғлик ва оилавий бахт-саодат, биродар Ўзбекистон халқига эса тинчлик-осойишталик ва равнақ тилаган.

Ўзбекистон Республикаси Президенти Шавкат Мирзиёев Озарбайжон Республикаси Президенти Илҳом Алиев билан ҳам телефон орқали мулоқот қилди.

Озарбайжон етакчиси давлат раҳбарини таваллуд куни билан самимий қутлаб, мустаҳкам соғлик ва масъулиятли давлатчилик фаолиятида янги муваффақиятлар тилади.

Бундан ташқари, Россия Федерация Президенти Владимир Путин ҳамда Хитой Халқ Республикаси раиси Си Цзиньпинлар ҳам Шавкат Мирзиёевнинг туғилган кунига атаб табриклар йўллади.

• Эмомали Раҳмон
• Илҳом Алиев
• Путин
• Qosim-Jo‘mart To‘qayev
• Sadir Japarov
• Si Szinpin