Аргентина терма жамоаси ҳужумчиси Лионел Месси чорак финалнинг Нидерландия билан ўйинидан кейин ўз фикрларини билдириб ўтди.

“Биз жуда хурсандмиз. Бугун жуда қийин бўлишини билар эдик, аммо биз буни уддаладик. Аргентина ярим финалга чиқди, чунки у ҳар бир ўйинда бир хил кайфият ва максимал интенсивлик билан ўйнай олмоқда. Бизнинг жамоамоз ўйиннин қайси сегментларда ташаббускор бўлиш кераклигини ва қачон ҳимояга эътибор қаратиш яхшироқ эканлигини билади”, дейди шу учрашувнинг энг яхши ўйинчиси деб топилган Лео Месси.

Маълумот учун, жамоалар 90 дақиқада дуранг қайд этди ва навбат аввал қўшимча бўлимларга ҳамда пеналтиларга етди. Серияда Аргентина Эмилиано Мартинес ва Мессининг ишончли ҳаракатлари туфайли ғалабани илиб кетди.

Аргентинанинг кейинги рақиби Бразилияни енгиб чиққан Хорватия бўлади ва улар сешанба, 13-декабрь куни ўйнайди.

• Аргентина
• Жаҳон чемпионати
• Месси
• Нидерландия