Туркия Суперлигаси 14-турида “Башакшеҳир” меҳмонда “Қосимпошо” устидан 1:3 ҳисобидаги ғалабани қўлга киритди. Учрашув Истанбулдаги “Режеб Таййиб Эрдўған” стадионида ўтказилди.

Беллашувдаги ҳисоб 26-дақиқада Аббосбек Файзуллаев томонидан очилди. Ўзбекистонлик футболчи жарима зарбасидан йўллаган кучли ва аниқ зарбаси билан жамоасини ҳисобда олдинга олиб чиқди. Бўлим якунланаётганда Нури Шаҳин жамоаси устунликни янада мустаҳкамлади. 45+4-дақиқада Амине Ҳарит гол уриб, фарқни ишончли кўринишга келтирди.

Учрашувнинг иккинчи бўлими анчайин кескин курашлар билан бошланди. 79-дақиқага келиб, мезбонлар ҳисобдаги фарқни қисқартиришга эришишди. Майдонда 10 киши бўлиб қолган “Башакшеҳир”га ўйин сўнггига қадар осон бўлмади. Иккинчи бўлим якунида Элдор Шомуродов яна бир гол билан учрашувга мантиқий якун ясади. “Башакшеҳир” ушбу ўйиндан сўнг очколари сонини 16 тага етказиб, турнир жадвалида 9-ўринга кўтарилди.

• Аббосбек Файзуллаев
• Елдор Шомуродов
• Футбол
• Туркия