Қирғизистон президенти Садир Жапаровнинг айтишича, “Бишкек Россияга санкцияларни четлаб ўтишда ёрдам беряпти”, дейишга ҳеч қандай асос йўқ. Қирғизистон раҳбари “Kаbar” агентлигига Бишкек санкцияларни четлаб ўтишга ҳисса қўшаётгани ҳақидаги баёнотларга шундай изоҳ берди.
“Россия ва Хитой кичик Қирғизистонга қарам эмас. Бу давлатлар аллақачон қўшни. Улар орасида 4000 километр умумий чегара мавжуд. Агар Россия истаса, денгиз орқали вагон ёки баржаларда хоҳлаган товарларини олиб келиши мумкин”, – деди Жапаров.
Президент Қирғизистон компаниясининг учувчисиз учоқлари кўринишидаги юк Қозоғистонда қўлга олинганини тан олди.
“Компания тушунтирдики, бу дронлар қишлоқ хўжалиги учун мўлжалланган. Аммо, шунга қарамай, энди биз дрон ва учувчисиз учиш аппаратларини экспорт қилишни тақиқлаймиз”, – деди президент.
Жапаров АҚШ сенатори Роберт Менендеснинг мактуби ҳақида гапирар экан, унга кўплаб таниқли сиёсатчилардан мактублар келганини айтди.
“Мен буни Қирғизистонга босим ўтказиш ва бизни ўз томонига тортиш учун оддий баҳона деб биламан. Аммо биз бунга йўл қўймаймиз. Биз мустақил давлатмиз. Биз барча давлатлар билан тенг ҳуқуқли муносабатларни давом эттирамиз. Биз кўп векторли ташқи сиёсат олиб борамиз”, — деди у.
“Россия ва Украина масаласида биз аввалига нейтрал позицияда эканлигимизни айтган эдик. Келажакда бу позицияга амал қиламиз. Биз позициямизни ўзгартирамизми ёки йўқми, вазият икки томонга ўзгармайди. Бу бизга боғлиқ эмас”, – дея хулоса қилди президент.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!