Кеча, 9 сентябрь куни Туркиянинг Трабзон шаҳрида Ўзбекистон фахрий консулхонаси очилди. Бу ҳақда Ўзбекистоннинг Туркиядаги элчихонаси хабар берди.

Унга кўра, фахрий консулхона Трабзон вилоят ҳокимлиги (вакиллик) биноси қаршисида жойлашган.

Шу пайтгача бундай ваколатхона мамлакатнинг Бурса, Адана, Анталия вилоятларида бўлган.

Янги фахрий консулхона тегишли ҳудуддаги фуқаролар ҳуқуқлари ҳамда қонуний манфаатларини ҳимоя қилишга кўмаклашиш баробарида, Трабзон ва мамлакатимиз вилоятлари ўртасидаги савдо-иқтисодий ҳамда маданий-гуманитар ҳамкорликни янги босқичга олиб чиқади.

Шунингдек, Ўзбекистоннинг Трабзон шаҳридаги Фахрий консулхонаси очилиши муносабати билан қабул маросими ташкил этилиб, мамлакатимизда сўнгги йилларда амалга оширилган туб ислоҳотлар, савдо-иқтисодий ва туризм соҳаларидаги ҳамкорлик имкониятлари ҳақида кенг қамровли тақдимот меҳмонлар эътиборига ҳавола этилди.

Фахрий консуллик — бу давлатлар ўртасидаги савдо, маданий ва дипломатик алоқаларни ривожлантириш мақсадида очиладиган ваколатхона.

• Konsullik
• Туркия