Чеченистон раҳбари Рамзан Қодиров ўзининг Теlegram-каналида даниялик ўта ўнг қанот сиёсатчиси Расмус Палудан ва Туркиянинг Стокгольмдаги элчихонаси олдида Қуръон ёқиб юборилган митингнинг бошқа иштирокчиларини қаттиқ танқид қилди.

“Швециянинг Стокгольм шаҳрида Дания Сатанистлар партиясининг етакчиси бўлган баъзи бир ахмоқлар Туркия элчихонаси олдида Қуръони Каримни ёқиб юборди. Жаҳаннамнинг бу авлоди Швециянинг НАТОга киришига қарши овоз берган расмий Анқарага шундай норозилик билдирди”,–деб ёзади Қодиров.

У бу ҳаракат нафақат Стокгольм расмийлари томонидан маъқуллангани, балки “сиёсий кучлар томонидан бошланган ва пул тўланган”ига ишонч билдирди.

“Аслида, фақат шайтон эгаллаб олган, энг совуққон ёвузларгина муқаддас қадриятларга тажовуз қилишга қодир, яъна буни норозилик белгиси деб аташади. Хабар қилинишича, бу ҳаракат Стокгольм ҳукумати билан келишилган, лекин мен қатъий ишончим комилки, бу нопок ҳаракат нафақат маъқулланган, балки сиёсий кучлар томонидан бошланган ва пул тўланган. Акс ҳолда, бундай очиқ-ойдин бўйсунувчи провокация ҳеч қачон маъқулланмаган бўлар эди”,– деб ёзади Чеченистон раҳбари Рамзан Қодиров ўз Теlegram каналида.

• Ramzan Qodirov