Қозоғистон президенти Қосим-Жўмарт Тўқаев ва Хитой раҳбари Си Цзиньпин музокаралари доирасида 23 та ҳужжат имзоланди. Улар қаторида Қозоғистон ва Хитой ўртасида виза талабларидан воз кечиш тўғрисида келишув ҳам бор.

Қозоғистон президенти матбуот хизмати хабарига кўра, фуқаролик паспорти ва қайтиш гувоҳномаси қозоғистонликлар учун ҳақиқий саёҳат ҳужжатлари бўлади.

Хитой фуқаролари учун эса ХХР фуқаросининг ярим хизмат паспорти, ХХР фуқаросининг паспорти вақтинчалик саёҳат ҳужжати бўлиб хизмат қилади.

Мулоқот чоғида савдо-иқтисодий, нефт-газ, нефт-кимё, энергетика, молия, транспорт-транзит, таълим ва фан соҳаларида ҳар томонлама ҳамкорликни ривожлантириш масалалари ҳам муҳокама қилинган. Шунингдек, халқаро ва минтақавий кун тартибидаги масалалар юзасидан фикр алмашилди.

Қозоғистон Республикаси Президенти Қосим-Жўмарт Тўқаевнинг Хитой Халқ Республикасига давлат ташрифи доирасида қуйидаги ҳужжатлар ҳам имзоланди:

1. Қозоғистон Республикаси ва Хитой Халқ Республикаси давлат раҳбарларининг қўшма баёноти;

2. Қозоғистон Республикаси ҳукумати ва Хитой Халқ Республикаси ҳукумати ўртасида Транскаспий халқаро транспорт йўналишини ривожлантириш бўйича меморандум;

3. Қозоғистон Республикаси ҳукумати ва Хитой Халқ Республикаси ҳукумати ўртасида техник-иқтисодий ҳамкорлик бўйича ўзаро англашув меморандуми;

4. Қозоғистон Республикаси ҳукумати ва Хитой Халқ Республикаси ҳукумати ўртасида саноатлаштириш ва сармоя киритиш соҳасидаги ҳамкорлик режаси;

5. Қозоғистон Республикаси Ҳукумати ва Хитой Халқ Республикаси Ҳукумати ўртасида виза талабларидан ўзаро озод қилиш тўғрисидаги битим;

6. Қозоғистон Республикаси Ҳукумати ва Хитой Халқ Республикаси Ҳукумати ўртасида халқаро автомобил ташувлари тўғрисидаги битим ва ҳоказо.

• Қозоғистон
• Хитой