Ўзбекистон Республикаси Президентининг тегишли фармонлари билан Зоир Тоирович Мирзаев бошқа ишга ўтиши муносабати билан Қашқадарё вилояти ҳокими лавозимидан озод этилди.

Қашқадарё вилояти ҳокими вазифасини бажарувчи этиб Муротжон Бердиалиевич Азимов тайинланди.

Маълумот учун, Зоир Мирзаев вилоятни 2019 йилнинг октябридан буён бошқариб келаётган эди.

Муротжон Азимов эса бунга қадар Давлат божхона қўмитасининг раиси вазифасида ишлаб келаётган эди.

Муротжон Азимов 1976 йилда Қашқадарё вилоятида туғилган.

1998 йилда Тошкентдаги юридик институтини тугатган. Қарши шаҳар прокуратурасида терговчи, Қашқадарё вилоят прокуратурасига прокурор, кейинроқ вилоят прокурорининг ўринбосари ва туман прокурори лавозимларида ишлаган.

2014 йилда у Бухоро вилояти прокурори этиб тайинланиб, у ерда 2016 йилгача ишлаган. 2016 йил сентябр ойидан бошлаб у Ўзбекистон Республикаси Бош прокурорининг ўринбосари лавозимида ишлаган. 2018 йилда у божхона хизмати генерал-маёри унвонига эга бўлган. Давлат божхона қўмитасининг раиси бўлди. Муротжон Азимов ушбу лавозимда 2016 йилнинг декабридан буён ишлаб келган генерал-маёр Муиджон Тохирий ўрнини эгаллади.

• Божхона
• Qashqadaryo
• Тайинлов