2023 йил 7 октябрдан бошлаб Исроил армиясининг Ғазо секторига ҳужумлари натижасида ҳалок бўлган фаластинликлар сони 62 895 тага етди. Сўнгги бир кун ичида 76 киши эксклавда Исроил ҳужумлари қурбонига айланди. Бу ҳақда Anadolu хабар берди.

Фаластин соғлиқни сақлаш вазирлигининг Ғазо секторидаги баёнотига кўра, минтақада давом этаётган Исроил ҳужумлари натижасида сўнгги 24 соат ичида Ғазо сектори касалхоналарига 76 та жасад ва 298 нафар яраланган инсонлар олиб келинган.

2025 йил 18 мартдан бери яъни 19 январда кучга кирган сулҳ битими бузилганидан кейин Исроил армияси томонидан содир этилган ҳужумларда ҳалок бўлганлар сони 10 050 нафарга, ярадорлар эса 46 886 нафарга етган.

Хабар қилинишича, сўнгги бир кун ичида 18 нафар фаластинлик ёрдам олишга уринишда ҳалок бўлган ва 106 киши жароҳат олган.

27 майдан бошлаб Исроил ва АҚШ раҳбарлигида ташкил этилган ёрдам тарқатиш пунктлари деб номланган ҳудудларда Исроилнинг мунтазам ҳужумлари натижасида ҳалок бўлганлар сони 2158 кишига, яраланганлар сони эса 15 843 кишига етган.

2023 йил 7 октябрдан бери Исроилнинг Ғазо секторига қилган ҳужумларида ҳалок бўлган фаластинликларнинг умумий сони 62 895 нафарни, яраланганлар сони эса 158 927 нафарни ташкил этди.

Сўнгги 24 соат ичида Ғазо касалхоналарида тўйиб овқатланмаслик ва очликдан 10 киши, шу жумладан болалар вафот этган. Шундай тариқа, очликдан ҳалок бўлганлар сони 313 нафарга етган бўлса, улардан 119 таси болалардир.

Таъкидланишича, Ғазо секторидаги вайроналар остида ҳали ҳам минглаб ҳалок бўлганларнинг жасадлари қолиб кетмоқда.

• Фаластин
• Isroil
• Қурбон
• Уруш