Бош прокуратура ҳузуридаги Департаментнинг Тойлоқ тумани бўлими томонидан ўтказилган терговга қадар текширувда “К.А.” фермер хўжалиги раҳбари А.К. тижорат мақсадида сув насосларини электр тармоғига ўзбошимчалик билан тўғридан-тўғри улаб, 267 млн сўмлик электр қувватидан ноқонуний фойдаланганлиги аниқланган.

Шунингдек, Департаментнинг Жомбой тумани бўлими томонидан ўтказилган терговга қадар текширувда “С.Г.” МЧЖ раҳбари С.Ш. савдо дўконида тижорат мақсадида электр тармоғига ўзбошимчалик билан тўғридан-тўғри уланиб, 134,1 млн сўмлик электр қувватидан ноқонуний фойдаланганлиги аниқланган.

Департаментнинг Ургут тумани бўлими томонидан ўтказилган терговга қадар текширувда фуқаро Л.Т. ва бошқалар тижорат мақсадида сув насосини электр тармоғига ўзбошимчалик билан тўғридан-тўғри улаб, 127,4 млн сўмлик электр қувватидан ноқонуний фойдаланганликлари аниқланган.

Мазкур ҳолатлар юзасидан Жиноят кодексининг 169-моддаси(ўғрилик) билан жиноят ишлари қўзғатилиб, тергов ҳаракатлари ўтказилмоқда.

• Электр энергияси
• Жиноят
• elektr
• «Ҳудудий электр тармоқлари»