“Реал Мадрид”нинг автомобиль ишлаб чиқарувчи ҳомийси BMW Мадрид клубининг янги футболчиси Килиан Мбаппега BMW i7 M70 xDrive электромобилини тақдим қилди.

Умумий қуввати 660 от кучига эга иккита двигателли седан 3,7 сонияда 100 км/соат тезликка эриша олади. Унинг максимал тезлиги 250 км/соат.

Машинанинг нархи эса 186 750 еврони ташкил қилади.

Бироқ франциялик футболчи мазкур электромобилни бошқара олмайди. Сабаби, Килиан Мбаппенинг ҳайдовчилик гувоҳномаси йўқ.

Эслатиб ўтамиз, 25 ёшли ҳужумчи Мадрид жамоаси билан 2029 йилга қадар мўлжалланган шартнома имзолаганди.

• BMW
• Mbappe
• Real