Рим папаси Франциск Исроил ва Фаластинни “келишув ва тинчлик йўллари”ни очиш учун мулоқотни қайта бошлашга чақирди. Бу ҳақда Ватикан ахборот агентлиги хабар бермоқда.

“Муқаддас заминда яна қон тўкилгани ҳақидаги хабардан тушкунликка тушдим. Умид қиламанки, Исроил ва Фаластин етакчилари зўравонлик спиралига барҳам бериш, ярашув ва тинчлик йўлини очиш мақсадида тўғридан-тўғри мулоқотни қайта бошлашлари мумкин”, – деди понтифик Ватикандаги Авлиё Пётр майдонига йиғилган диндорларга мурожаати чоғида.

Рим-католик черкови раҳбари Ўртаер денгизида муҳожирларни қутқариш учун саъй-ҳаракатларни амалга ошираётган нодавлат ташкилотларга ҳам ўз миннатдорлигини билдирди. Фаластиндаги сўнгги кескинлик 3 июль куни Женин шаҳри яқинида содир бўлди.

Исроил ҳарбийлари шаҳарни 48 соат давомида қамал қилиб, бир қанча маҳаллаларга ҳаводан зарбалар берди. 12 нафар фаластинлик ҳалок бўлди, улардан тўрт нафари ўсмир, 120 га яқини яраланди, йигирма нафарининг аҳволи оғир.

• Фаластин
• Isroil
• Rim papasi