Аи-Да дунёдаги биринчи ултрареалист рассом-робот ҳисобланади. Уни Эйдан Меллер ва Engineered Artse мутахассислари тайёрлаган.

Sotheby’s кимошди уйи Аи-Да рассом-роботи яратган портретни савдога чиқаради, деб хабар беради CNN.

Аи-Да бионик қўллари ва кўзларидаги камералар ёрдамида расм чизади. Робот дастурчи аёл Ада Лавлейс шарафига Аи-Да деб номланган. Робот чизган суратда математик Алан Тюринг тасвирланган. Sotheby’s полотно учун 120-180 минг доллар қўлга киритишни режалаштирган. Аукцион 31 октябрь куни очилади.

Аи-Да ўз иши йирик кимошди уйи томонидан сотувга қўйилган биринчи рассом-роботга айланади. Картина, шунингдек, 2024 йилнинг майида БМТга намойиш этилганди.

“Менинг ишларим Бирлашган Миллатлар Ташкилотининг сунъий интеллектдан масъулият билан фойдаланиш борасидаги тамойилларига мос келади — Алан Тюринг ҳам бунинг тарафдори эди”, — дейди мулоқот учун СИнинг илғор тил моделидан фойдаланадиган робот.

• Аукцион
• Lifestyle
• қизиқарли
• рассом
• sun’iy intellekt