Португалиялик ҳужумчи Криштиану Роналду “Ал-Наср”дан кетиш ҳақида ўйламоқда.

Беш карра олтин тўп соҳиби клубнинг олдига қўйган мақсадларига шубҳа билан қарамоқда. Криштиану кўплаб совринлар ютишни хоҳлайди, жумладан, Осиё Чемпионлар Лигасини ҳам. Аммо Роналдунинг фикрига кўра, “Ал-Наср”даги мавжуд таркиб бунга имкон бермайди.

Футболчи жорий мавсум Саудия Арабистони чемпионати доирасида 12 та ўйинда майдонга тушиб, 10 та гол урган ва 2 та голли узатмани амалга оширган. “Ал-Наср” ҳозирда чемпионат етакчиси “Ал-Иттиҳод”дан 11 очко ортда қолган ҳолда мусобақа жадвалида тўртинчи ўринда бормоқда.

Маълумот учун, Криштиану Роналдунинг “Ал-Наср” билан шартномаси шу йилнинг ёзида якунига етади ва у клуб билан янги шартнома имзоламаса, эркин агент мақомига эга бўлган ҳолда исталган жамоадан келган таклифларни кўриб чиқиши мумкин.

• Ал-Наср
• Роналду