Мусулмонлар учун муқаддас китоб - Қуръоннинг Стокголмда ёқиб юборилиши “сатанизм”(шайтонизм)дир, Швеция ҳукумати исломофобиянинг ушбу ҳаракатига қатъий жавоб бериши ва унда иштирок этганларни жавобгарликка тортиши керак. Бу ҳақда Россия мусулмонлари диний бошқармаси раиси ўринбосари муфтий Рушан Аббясов маълум қилди.

“Россиядаги мусулмонлар Швецияда содир бўлган яна бир шаккокликдан қаттиқ ғазабда. Муқаддас битикларни ёқиш Европада тобора кўпроқ намоён бўлаётган, ўзининг маънавий асосларини тезда йўқотаётган “сатанизм”дан бошқа нарса эмас. Биз Швеция расмийларини исломофобиянинг ушбу актига кескин жавоб беришга ва унда иштирок этганларни жавобгарликка тортишга чақирамиз”, — деди Аббясов.

Унинг таъкидлашича, швед радикалларининг қилмиши уларнинг "ақлий заифлиги ва маънавияцизлигидан" далолат беради.

“Улар ўз нуқтаи назарини маданиятли тарзда ифода этиш ўрнига, бутун дунё мусулмонларининг ҳис-туйғуларини оғритадиган шундай жирканч ишга киришди”, — дея қўшимча қилди Россия мусулмонлари диний бошқармаси раҳбари ўринбосари.

Ҳозиргача, мусулмонлар учун муқаддас китобнинг намойишкорона ёқиб юборилишини Туркия Ташқи ишлар вазирлиги, Покистон, Иордания, Саудия Арабистони ва Қувайт томонидан қораланди.

• Ислом
• Россия
• Швеция