Россия ТИВ расмий вакили Мария Захарова Украинани Қрим кўпригига ҳужум уюштирганликда айблади. Бу ҳақда у ўзининг Тelegram каналида маълум қилди.

“Қрим кўпригига бугунги ҳужумни Киев режими амалга оширди. Бу режим террористик ва халқаро уюшган жиноий гуруҳнинг барча белгиларига эга”, – деб ёзади дипломат.

Унинг сўзларига кўра, Қрим кўпригидаги “террорчилик ҳужуми” Америка ва Британия разведка хизматлари иштирокида амалга оширилган.

“Қарорлар Украина расмийлари ва ҳарбийлари томонидан Америка ва Британия разведка идоралари ҳамда сиёсатчиларнинг бевосита иштирокида қабул қилинади. АҚШ ва Британия террорчи давлат тузилмаси учун жавобгардир”, – деди Захарова.

Аввалроқ Қрим кўпригида 17 июлга ўтар кечаси портлашлар эшитилгани, камида икки киши ҳалок бўлгани хабар қилинганди.

• Qrim
• Россия