Президент Шавкат Мирзиёевнинг ташқи инвестиция ва қўшма ҳамкорлик келишувларига яратаётган имкониятлари доирасида Навоий вилояти ҳокими Нормат Турсунов бошчилигидаги делегация Россия Федерациясида хизмат сафарида бўлди. Сафар учрашувларга ва музокалар бой бўлиб ўтган.

Жумладан, “1520” компанияси гуруҳлари бош директори ўринбосари Дмитрий Болоцкий, “Профайн” компанияси бош директори Елена Ермакова, “Русский Лён” компанияси ижрочи директори Валерий Мишарин, “Природний камен” компанияси таъсисчиси Пётр Заседателевлар билан учрашувлар ташкил этилди. Бу ҳақда вилоят ҳокимлиги хабар қилди.

Учрашувлар давомида темир йўл учун зарур бўладиган бутловчи ва эҳтиёт қисмлари ишлаб чиқаришни йўлга қўйиш, “Навоий” ЭИЗ ҳудудида қиймати 5 млн долларлик эшик ва деразалар ҳамда эҳтиёт қисмлари ишлаб чиқаришни ташкил этиш, зиғир пояси ва пахта толалари аралашмаларидан ип калавадан бошлаб тайёр маҳсулотгача ишлаб чиқариш лойиҳалари, Навоий вилоятидан Россия Федерациясига табиий пардозбоп тошларни экспорт қилиш бўйича музокара олиб борилди. Энг эътиборли жиҳати, учрашувнинг илк кунидаёқ делегация 40 млн долларлик келишувга эришган.

• Россия