5 июнь куни Тошкентда Жаҳон савдо ташкилоти, Жаҳон банки ва Халқаро валюта жамғармаси кўмагида конференция бўлиб ўтди. Президент ёрдамчиси Саида Мирзиёеванинг сўзларига кўра, бу тадбирда Ўзбекистоннинг ЖСТга қўшилиш йўлидаги шаҳдам қадамлари яна бир бор намоён бўлган.

“Биз иқтисодий тараққиётни қўллаб-қувватлаш, ижтимоий ҳимоя, соғлиқни сақлаш ҳамда таълим соҳаларини такомиллаштириш, шунингдек, қонун устуворлигини таъминлашга қаратилган ислоҳотларни давом эттиришга қатъий киришганмиз. Биз бу йўлдан асло чекинмаймиз, юртимизнинг тараққиёт манзили – айнан шу.

Бундай мақсадларга фақат сифатли сармоялар ва қўшимча қиймат яратишнинг глобал занжирларига боғланиб эришиш мумкин.

ЖСТ раҳбариятининг бизни бу қадар қўллаб-қувватлаши ва ишонч билдириши юксак баҳога лойиқ”, – деди Саида Мирзиёева.

• Мирзиёева