Россия ТИВ хабар беришича, мамлакат ташқи ишлар вазири Сергей Лавровнинг 28-29 октябрь кунлари Ўзбекистонга режалаштирилган ташрифи кечиктирилган.

Қайд этилишича, бугун, 26 октябрь куни Лавров Ўзбекистон Ташқи ишлар вазири Бахтиёр Саидов билан телефон суҳбатида ташриф режалари ўзгаргани сабабли, 28-29 октябрга мўлжалланган Тошкентга сафарини бошқа муддатга кўчириш бўйича келишувга эришган.

“Икки давлат етакчилари томонидан қабул қилинган Россия ва Ўзбекистон ўртасидаги кенг қамровли стратегик шериклик ва иттифоқчиликни янада мустаҳкамлашга қаратилган қарорларни амалга ошириш бўйича фаол ҳамкорликни давом эттириш нияти тасдиқланди”, – дейилади хабарда. 

Шунингдек, Ўзбекистон Ташқи ишлар вазири Бахтиёр Саидов ҳам россиялик ҳамкасби билан телефонда гаплашганини ва бўлажак тадбирлар жадвалини муҳокама қилганини тасдиқлади.

• Россия
• Sergey Lavrov