Президент Шавкат Мирзиёев ва Президент Садир Жапаров “Хива гиламлари” комбинатида бўлди. Бу ҳақда Президент матбуот хизмати хабар берди.

Корхонада йилига 4,2 миллион квадрат метр гилам ва гилам маҳсулотлари ишлаб чиқарилиб, Хитой, Россия, АҚШ, Қозоғистон ва МДҲнинг бошқа мамлакатларига экспорт қилинмоқда.

Президентлар корхонанинг ишлаб чиқариш жараёни ва шоурумини, шунингдек, комбинат ҳудудида ташкил этилган “Маде in Uzbekistan” бренди остидаги саноат маҳсулотлари кўргазмасини кўздан кечирдилар.

Шунингдек, тегишли вазирлик ва идораларга ўзаро тажриба алмашиш, кооперация ва савдони ривожлантириш бўйича кўрсатмалар берилди.

• Sadir Japarov
• Шавкат Мирзиёев
• Хива